وانا من النوع اللي اخاف اعطي اي طعام مايكون مناسب لسنه خاصة ان البدء في الاكل بدون تدرج او اختيار النوع المناسب ممكن يسبب حساسية للطفل وتكون على شكل زكمه او في الصدر او اسهال اعزكم الله او مغص في البطن لدرجة اني سمعت اخصائي تغذية الاطفال يتكلم عن اطعام الطفل قبل ست شهور ياثر في جهاز المناعه عنده لانه يستقبله كجسم غريب ويظهر ردة الفعل كحساسية .
المشكلة ان الامهات يتبارين من اللي تطعم طفلهاكثر و من بدري وايش اكل وتقعد تعدد الاكلات اللي قدمتها لطفلها خلال اسبوع واحد
لازم نعرف حاجه مهمه وهي ان البدء باي نوع يكون بالتدريج ملعقه اول يوم وتزيد ثاني يوم ملعقتين اللى ان توصل الكميه المشبعه للطفل
البدء بتغيير الطعام بعد اسبوع كامل ممكن اقدم له نوع ثاني ونفس الطريقه بالتدريج
اذا الطفل رفض النوع ارجع له بعد فتره مو اقول لا مايحب الزبادي مثلا واضل ماعطيه ابدا
انوع بتقديم الطعام لانه مثل الكبير يحب التغيير ماضل على طريقه وحده
حبيباتي اتمنى يكون الموضوع هذا مثبت ومرجع نتبادل فيه خبراتنا في طعام الطفل كل وحدة تكتب عمر طفلها ويش يحب ياكل وش يكره من الاكل -والوجبات اللي ابتكرتها لطفلها
انا راح ابدا
ولدي عمره عشر شهور يحب المالح مثل الزبادي -رز وخضار-بيض-مايرغب الحلوكثير مثل السيريلاك -مانجا-العصائر
اول مايقوم الصبح اطعمه صفار البيض وطريقتي اني احط في القدر او المقلاه شوية ماء وبعدين احط الصفار بس واغطيه على نار واطيه لما يصير نص استواء
الغداء رز مسلوق مع خضار او مع تفاح مبشور
شوربة كويكر مع بندوره بسسسسسسسسس بدون ملح البندوره تملحها
تسوست محمصه افتها مع الحليب وانتبهي من الخبز مع الشاهي يحبونه الصغار بس يسهرهم وماينفع
العشاء زبادي افت معه شوي توست محمصه او مع كويكر
هذا اللي عندي اتمنى اشوف تفاعلكم
اه يمكنكم لسى بنوتات ماعندكم اطفال او عجايز رايحات فيها نسيتن البزارين 
