۞ ۞ ۞ ۞
كم كان عمرك في اول مرة تصوم فيها في رمضان ...وكم يومآ صمت؟
كان عمري 9 سنين ، واول يومين صمت بكل سهوله والحمد لله من فرط فرحتي بالصيام ، اما اليوم الثالث فا الشكوى لله كنت في المستشفى كيسين مغذي وكيس درب حيد سائل صاحبكم نحيف ولا كنت اتوازن .
كيف كنتم تستقبلون رمضان في تلك المرحلة من حياتكم ؟
رمضان عزيز وليت كل ايامنا رمضان ، طبعا كباقي المسلمين بكل لهفه ومحبه ننتظره ونحزن فراقه ، مغير اميمتي جزها الله خير و الشغاله (كن رمضان للاكل فقط )
مدهرين يسون كبه وسنبوسه
هل تحكي لنا عن برنامجك اليومي _ حينها _وهل كانت لك طقوسا معينة ؟
والله عادي نرجع من المدرسه ونكون انا واخواني افواهنا مفتوحه من الجوع ،نتسدح قبال التلفزيون ونحاول نحل مع المذيع هذا مال اول ((الشبل)) برنامج حروف وبعدين كلن ماسك ورقته يحل الفوازير مع مشقاص وبعدها اروح جمب جدتي واقرأ قرآن وهي ترد وراي الله يرحمها
وبعدها تناديني الوالده نروح نوصل الفطور للمسجد نفطرهناك ونصلي ونرجع مع الوالد نقضي على فطور امي السنع ونجلس بعدها نزورنا عمامي وعماتي ونروح جميع صلاة التراويح
ارتبط رمضان دائما بمدفع الإفطار / السحور / ليالي رمضان ...
فهلا حدثتنا عن مشاعرك تجاهها ،وبعضا من المواقف التي ارتبطت بها ؟
والله بما اني من سكان الرياض ماقد مره سمعت مدفع الافطار الا مرتين وقتها كنت في مكه والسحور في الغالب ماكنت اتسحر لأنني ما انام العصر فأكون حدي نايم
وعساي الحق على شربة مويه واغسل اسناني ، وليالي رمضان كلها خير ...والوقت فيها بركه .
احب الشهر الفضيل ...
واتمنى كل ايامنا رمضان سبحان الله القلوب فيه اتصافا
والكل بوجة الثاني مبتسم
ماهي الاكلات التي كنت تحبها في رمضان ؟
بلا منازع التشريب...((المرقوق)) وبعده الدولمه ((ورق العنب)) بس بطريقة امي والكبة عمالقة السفرة الزبيريه
هل كانت لكم العاب او اهازيج خاصة بشهر رمضان ؟
طبعا له عادات وتقاليد وتقاليع ولو انها مبتدعه لكنها كانت تنصب في رمضان ويستعد اليها الكبير والصغير الي هو القرقيعان
((قرقيعان وقرقيعان عادة عليكم صيام كل سنه وكل عام))
وعلى فكره تراكم معزومين على قرقيعان دحمي
موقف مازال عالقا في الذاكرة ... لطالما تذكرتموه بحلول شهر رمضان ؟
الله يذكركم بالشهاده ،،،
مو بذاكرتي لحالي الافي كل رمضان يعديها على الوالد
كان عمري 12... وبعد كان ايام شعبان ناقصه وطبعا الي يشوف الهلال يبلغ فتفقت مع اخوي وسنعنا امرنا ورحنا نكشت فوق السطح ونراقب السما وطبعا ها الكلام الولد مادرى فينا وحنا هايمين انا وابو محمد اخوي نعد النجوم ونتظر هلال رمضان ، كانت الدنيا مختبصه يدورون علينا يحسبونا برة البيت و بالأخير نطقت الخدامه وقالت إنّا فوق السطح واخذنا لنا علقه محترمه وبوي يقول لنا راحين السطح انت وياه شعندكم ماتستحون حولينا جيران تعورونه ، ولمه قلناله السبب ضحك علينا وشرالنا درابيل وقال الناس تشوف بالبر بالجو الصافي موانت وياه باللسطوح .
ماالفرق بين مايعيشه اطفال ذلك العهد واطفال اليوم من اجواء رمضانية ؟
رمضان هو رمضان نفسه لكن اطفال هاليومين همهم غير همنا اول ...كل الي يبون تحت ايديهم ولاهم بحسون بروحانية الشهر الفضيل والسبب التلفزيون والعاب الاكترونيه الي صارت وقت فراغهم كله وصار وقت التراويح يروحون بس عشان يضمنون طلعه
اخيرا ،،
كلمة تقولها لأبناءنا في رمضان
لوعلمتم مافي رمضان لتمنيتم ايامنا كلها صيام .
واشكر لكم الاستضافه
وعساي كنت ضيفا دمثا خفيف المعشر...
وعساكم من عواده وكل عام وانتم بخير
