بسم الله الرحمن الرحيم
السلام عليكم ورحمة الله وبركاته،،
( أكفش ..لايُشرد -6)
دار بيني وبين أحد الشباب الصغار الحوار التالي :
أنا : ما شاء الله تبارك الله ، أخيرًا (حلّقث) شعر راسك .
أخونا الشاب : والله ، بالقوة وإلا كان نفسي يطول أكثر من اللي انت شفته أول .
- وليش ياترى ؟ ويش بينفعك تطويل شعرك ، ولا وتحط له بكله بعد؟ والا مطاط !!
- طيب ، سُنة .. يعني الواحد ما( يستن) .
- طيب هل أديت الواجب عشان لم عن السنة .
- الواحد يسوي شي والا إنه يسيب كل شيء
- ها.. ! يعني قصدك إنك طولت شعرك سُنة ؟1مهو عشان شي ثاني، وإن الواجب بيجي بعدين !!!
- إيه هذا هو ، اللي قلته
- لا والله ، مهو أنا اللي قلته ، إنت اللي قايله.
- ياشييييخ ماتفرق .
- طيب عمرك شفت واحد يدخل المسجد يصلي تحية المسجد ويخرج قبل الفرض ؟؟!!
- ويش تقصد ؟
- أقصد إن الواجب يأتي أولاً ومن ثم السنة ، وأنا شايف إنه انت لاقاصد ذا ، ولا ذاك ، يعني تبغى تطوّل شعرك ( موضة ) مثل بعض الشباب فقط ، وتتباهى فيه .
سكت فترة بسيطة ومن ثم ، قال :
- خل الإجازة تجي وبعدها لامدرسة ، ولاهم يحزنون .
- طيب والوالد ؟
- ياشييخ مايقول شي ، إلا إذا كان مدرسة .
انتهى
هنا أتساءل من المتسبب في تفشي مثل هذه الظواهر ، هل :
هو ( هُزال ) الأب ، أم ( عدم مسؤولية ) الأم ؟
أم هو السماح لبعض محلات الحلاقة التي تعلن - كما قال لي أحد الذين أثق بهم- عن نتف الوجه و مكياج للعريس ( وأكيد غيره)
وعمل مساج ، ولنتخيل الشباب الذي يخضع لذلك وممن ؟؟!!!!!!!!!
نسأل الله العافية والسلامة
مع احترامي للناضجين
فيصل ابراهيم