المقادير:

1- كأس ونص دقيق أسمر .

2- كأس ونص دقيق أبيض .

3- بيضة وحده .

4- ملعقة أكل كبيرة خميرة فورية .

5- بيالة شاي سكر .

6- بيالة شاي زيت .

7- ثلاث أرباع الكأس ماء للعجن .( نعجن المقادير السابقه كلها ونخليها شوي لين نجهز خلطة

الدجاج الجايه بالفقرة 10 ) .

8- كأس كبير جبنة كرافت .

9- بقدونس مفروم .

10- خلطة دجاج وهي عبارة عندجاج مسلوق ومفتت ويوضع على الاتي :

كرنب مبشور + جزر مبشور +بصل مفروم مع شوي زيت ، البصل مع الزيت على النار

حتى يصير لونه أصفر ذهبي نضع عليه الجزر والكرنب لين يتشرب الماء اللي يطلع منه

بعدين نحط عليه الدجاج ونقلبه على النار شوي نخليه يبرد ) .

نقسم العجينة الى قسمين نفرد كل وحدة على شكل دائرة ندهن كل وحدة بالجبن الكرافت

ونرش البقدونس المفروم وبعدين نحط خلطة الدجاج فوق العجينه كلها نلف العجينه لف

مثل الاسطوانه وندهنها بشوي صفار البيض ونرش عليها حبه سودا ونحطها بالفرن لين

تستوي نطلعها ونقطعها بشكل مايل .

وبالهناء والعافية

صدقوني سهله وطعمها جناااااااااااااااااااااااااااااااااااااااااان

مشكوووووووووووووووووووووووووووورة أختي بروق على الطريقة
بجد شكلها لذيذ ومشهّي جددددددددددددددددددددددا
انشاء الله أجربها في القريب العاجل و لاجربتها اقول لك ع الفضايح أقصد ع النتائج
أتمنى أن لا تحرمينا من مشاركاتك
ودمتم سالمين

أختي درب المحبة ألف شكر على التعقيب

بالصحة والعافية مقدما اذا سويتيها ان شاء الله . وبعدين لي طلب اذا سويتيها أرسلي لي وصيله أذوقها .

تكفين لا تنسين صديقتك بروق لا تشيلين هم ارسليها بالايميل.

شكرا مرة ثانية .

وصفه حلوه وان شاء الله اجربها

تحياتي....

أختي الخنساء جعل الله أيامك كلها حلوة


ومشكوره على الرد ولا تنسين تذوقينها بعض الناس!!!!!!!!!

باين عليها لذيذة تسلمين أختي بــــــــــــــــــــروق


عندي طلب بسيط ويش رايك تسوينها وترسلينها بأي طريقه المهم توصل وبأسرع وقت.

غالي والطلب رخيص يا بنت النجم الأصيل


عطيني العنوان وما تدرين الا انها عند الباب

ملاحظه خطيرة أيام الدراسه ما أسوي أكلات ولا شي أمي الله يخليها

هي مكفيتنا اذا تبين بالاجازة ابشري

أمي هالحين بعدين أنا

ان شاء الله تكونين حولنا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟